Shri Satya Narayan Vrat Katha - Third Chapter

Sootji bole: Hey shreshth muniyon, ab aage ki katha kehta hoon. Pahle samay mein Ullkamukh naam ka ek buddhimaan raja tha. Vah satyavakta aur jitendriya tha. Pratidin dev sthano par jaata aur nirdhano ko dhan dekar unke kasht door karta tha. Uski patni Kamal ke saman mukh vali tatha sati sadhvi thi. Bhadrashila nadi ke tat par un dono ne Shri Satyanarayan Bhagwan ka vrat kiya. Usi samay sadhu naam ka ek vaishya aaya. Uske paas vyapaar karne ke liye bahut sa dhan bhi tha. Raja ko vrat karte dekhkar vah vinay ke saath poochhne laga: Hey Rajan, bhaktibhav se poorn hokar aap yeh kya kar rahe hain? Main sunne ki ichha rakhta hoon to aap mujhe bataayein.

Raja bola: Hey sadhu, apne bandhu-baandhavon ke saath putradik ki praapti ke liye ek maha-shaktimaan Shri Satyanarayan Bhagwan ka vrat aur poojan kar raha hoon. Raja ke vachan sun sadhu aadar se bola: Hey Rajan, mujhe is vrat ka saara vidhaan kahiye. Aapke kathanaanusar main bhi is vrat ko karunga. Meri bhi santaan nahin hai aur is vrat ko karne se nishchit roop se mujhe santaan ki praapti hogi. Raja se vrat ka saara vidhaan sun, vyapar se nivrit ho vah apne ghar gaya.

Sadhu vaishya ne apni patni ko santaan dene wale is vrat ka varnan kah sunaya aur kaha ki jab meri santaan hogi, tab main is vrat ko karunga. Sadhu ne is tarah ke vachan apni patni Leelavati se kahe. Ek din Leelavati pati ke saath aanandit ho sansarik dharm mein pravrit hokar Satyanarayan Bhagwan ki kripa se garbhvati ho gayi. Dasven mahine mein uske garbh se ek sundar kanya ne janm liya. Dinon din vah ese badhne lagi jaise Shukla Paksha ka chandra badhata hai. Mata-pita ne apni kanya ka naam Kalaavati rakha.

Ek din Leelavati ne meethe shabdon mein apne pati ko yaad dilaya ki aapne Satyanarayan Bhagwan ke jis vrat ko karne ka sankalp kiya tha, use karne ka samay aa gaya hai, aap is vrat ko kariye. Sadhu bole ki hey priye, is vrat ko main uske vivah par karunga. Is prakar apni patni ko aashvasan dekar vah nagar ko chala gaya. Kalaavati putra ke ghar mein rah vriddhi ko praapt ho gayi. Sadhu ne ek baar nagar mein apni kanya ko sakhiyon ke saath dekh kar turant hi daoot ko bulaya aur kaha ki meri kanya ka vivah kar diya lekin durghatana ki baat ye ki sadhu ne ab bhi Shri Satyanarayan Bhagwan ka vrat nahi kiya.

Is par Shri Bhagwan krodhit ho gaye aur shraap diya ki sadhu ko atyadhik dukh mile. Apne karya mein kushal sadhu baniya jamai ko lekar samudra ke paas sthit hokar ratnasarapur nagar mein gaya. Vahaan jakar daamad-sasur dono milkar Chandraketu raja ke nagar mein vyapaar karne lage. Ek din Bhagwan Satyanarayan ki maya se ek chor raja ka dhan churaakar bhag raha tha. Usne raja ke sipahiyo ko apna peecha karte dekh churaaya hua dhan vahaan rakh diya jahan sadhu apne jamai ke saath thahra hua tha. Raja ke sipahiyo ne sadhu vaishya ke paas raja ka dhan pada dekha to vah sasur-jamai dono ko baandhkar prasannata se raja ke paas le gaye aur kaha ki un dono choron humne pakad laye hain, aap aage ki karyavaahi ki aajna den.

Raja ki aajna se un dono ko kathin kaaraavaas mein daal diya gaya aur unka saara dhan bhi unse cheen liya gaya. Dono vaishya apne ghar ko chale gaye.

॥ Iti Shri Satyanarayan Vrat Katha ka Tritiya Adhyaay Sampurna॥

Shreemann Narayan-Narayan-Narayan.
Bhaj man Narayan-Narayan-Narayan.
Shri Satyanarayan Bhagwan ki jai॥